حزب الجبهة الديمقراطية - ببورسعيد

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

حزب الجبهة الديمقراطية - ببورسعيد






    يعني ايه تغيير 3 مواد دستور؟؟

    عبدالله المصري
    عبدالله المصري
    مدير عام المنتدي

    ذكر
    عدد المساهمات : 50
    تاريخ الميلاد : 07/02/1991
    تاريخ التسجيل : 17/05/2010
    العمر : 29
    العمل/الترفيه : الانترنت
    اخبارك ايه : في قمة نشاطي

    default يعني ايه تغيير 3 مواد دستور؟؟

    مُساهمة من طرف عبدالله المصري في الإثنين مايو 24, 2010 6:28 am

    يعني ايه تغيير 3 مواد دستور؟؟



    يعني خلق فرصة لتغيير الرئيس الحالي



    يعني تغيير النظام الحالي



    يعني تقييد الرئيس القادم بفترة رئاسية
    محددة بدل ما كل واحد يجيي يكبس على نفسنا لحد ما يموت




    يعني في رقابة من القضاء عشان
    الانتخابات متتزورش



    يعني
    هيبقى في منافسة حقيقة ونزيهة بين المرشحين



    يعني منافسة على تلبية احتياجات الشعب



    يعني اصلاح وضع فاسد



    يعني تغيير وزاري



    يعني وزير المالية يتغير يعني اقتصاد
    مصر يتغير



    يعني
    وزير التعليم يتغير وتعليم مصر يتغير



    يعني وزير الصحة يتغير نلاقي مستشفيات نضيفة تعالجنا



    يعني تغير وزير
    الضمان الاجتماعي ونلاقي دعم بجد على رغيف العيش اللي بجد



    يعني وزير داخلية يتغير ونحس بادميتنا في
    الشارع ونحس باالامان ونتعامل باحترام من ضباط الاقسام



    يعني نواب مجلس شعب يتغيرو ونحس باهتماهم بينا
    ويطالبو بمطالبنا وحقنا احنا مش ينهبوه


    يعني ويعني ويعني ويعني ويعني



    حقي وحقك وحق ولادك وولادي



    وحق بلدنا كله في ايدينا احنا



    لما تتطالب بحقك في تغيير دستور بلدك اللي
    شوية عصابة لفقوه وحطوه وكنا احنا السبب اننا مرفضناهوش



    وجه الوقت اننا نطالب بتغييره



    انا وهو وهي لوحدنا مش هنقدر نعمل حاجة من
    غيرك


    ولو في
    خطر علينا هيبقى عشان احنا من غيرك


    انت لازم تتحرك معانا


    تغيير الوضع الحالي هيبدأ من عندك انت



    ايه؟ خايف؟


    ومش خايف وانت ماشي في الشارع تتقتل من شوية بلطجية
    ومفيش حتى عسكري واحد يحميك؟؟



    مش خايف على ولادك يجيلهم سرطان من المية اللي بيشربوها؟؟



    مش خايف من ربنا عشان بقيت بتاخد رشوة
    من واحد عشان تديها لتاني عشان تخلص مصالحك


    اللي هي اصلا من حقك؟؟


    مش خايف يتقبض عليك عشان تشابه اسماء وحلني بقى عشان
    تتطلع وربنا عالم باللي هيتعمل فيك




    جوة؟؟



    مش خايف على
    اختك تعنس عشان رجالة مصر المحترمين مبقوش لاقيين ياكلو عشان يلاقو



    يتجوزو؟؟


    مش خايف من سنك اللي بيكبر وانت لسة ملقتش وظيفة
    محترمة؟؟


    مش
    خايف من كل ده وما خفي كان اعظم؟؟


    اوعى تخاف الا من اللي خلقك واوعى تخاف من المطالبة بحقك



    تلات مواد
    دستور لو اتغيرو هنعبر من بوابة طريق مصر التغيير الصحراوي اللي لو مشينا
    فيه هيبقى زراعي


    فكر
    كده


    لأ لأ
    سوري ده مفيش وقت للتفكيير


    يلا معايا للتغيير ;-)


    منقول من مدونة
    [ندعوك للتسجيل في المنتدى أو التعريف بنفسك لمعاينة هذا الرابط]

      الوقت/التاريخ الآن هو الجمعة يوليو 10, 2020 9:07 am